Burger ei hnem ber record siam

Burger ei hnem ber record siam
Wisconsin, USA a cheng Donald Gorske chuan kum 53 dawn chu nitin burger a la ei ziah a, March ni 15, 2025 khan a burger 35,000-na a ei leh chiah a, Guinness World Records a siam. Donald hian nitin burger pahnih, chawchhun atan pakhat leh zanriah atan pakhat a ei ziah niin a sawi.
May ni 17, 1972 kha a bul tanna a ni a, Donald chuan a car hmasa ber a lei a, Big Mac pakua hemi ni hian a ei a, heta tang hian burger chu hne tih awm lovin, nitin chaw berah a ring ta char char mai a ni. Donald chuan, “Ka chaw duh ber hamburger hi nitin ei ka duh a ni. Hei leh chen ka ei tawh chung pawh hian ka thlah thei lo va, vawiin thlengin nitin ei ka la chak reng zel tho a ni,” a ti.
A car lei ni a a car seat hnunga burger a eina carton pathum a dah chu dahtha zuiin, chuta tang chuan a burger eina bawm ruak chu a khawl ta zel a, tunah chuan kum 50 chuang nitin burger eiin, record a siam ta a ni.