Mizoram District tinah HIV+ awm
Mizoramah HIV+ a hluar tih an sawi thin a, a vei an pun bakah hmun hrang hrangah a darh. District tinah an awm a, district hrang hranga he hri vei zat hi House-ah sawi a ni.
Budget Session-ah Ningani khan Lawngtlai West bialtu C Ngunlianchunga zawhna, ziaka chhan chi chhangin health minister Lalrinpuii’n Mizorama HIV+ zat hi a sawi a, Mizoram pumah mi 19,536-in an vei a ti.
Mizorama mi 19,539-in an vei a, chung zingah chuan mi sing chuang chu Aizawl district mi an ni; Aizawl district a sang fal hle.
Champhai district, Kolasib district leh Lunglei district-ahte sang an chuang a, an tlem berna Hnahthial district-ah chuan mi 261 an ni.
HIV+ te enkawlna ART (Antiretroviral Therapy) la lo an awm nual a, minister chhannaa a lan danin mi 19,539-te zinga mi 16,982-in ART hi an la.
HIV+ zat
District HIV+
Aizawl 10,981
Champhai 1,726
Hnahthial 261
Khawzawl 436
Kolasib 1,490
Lawngtlai 715
Lunglei 1,363
Mamit 693
Saitual 444
Serchhip 785
Siaha 642