Bana Kaih thawhkhatna atan sum sanction hnai

Bana Kaih thawh khatna atan a kaih tur (progress partner) thlanchhuahte chu training neihpui an ni tawh a, sum sanction mai theih a awm tawh.
Mizoram State Policy Coordination Committee chu an chairman, chief minister Lalduhoma hoin Nilaini khan an thukhawm a. Bana Kaih thawh khatna (pilot phase) hmanga progress partner thlan chhuahte hmachhawp an sawi. Loan component-a an bana kaih tur hi thlanfel an ni deuh vek tawh a, training an nei tawh hlawm.Thawhpui bank-te annual closing audit zawhfel hnuah an loan hi process tan theih beisei a ni a. Sanction mai theih pawh a awm tawh a ni.
Chief Minister Special Package pilot phase hnuaiah bana kaih tum mi 1740 vel pek theih tura ruahman a ni a. Line department-te chu allocation siamsak vek an ni. Progress partner-ten tanpuina an dil zat azirin a dawng thei zat hi a danglam hlek hlek thei a, June velah sem tan hman beisei a ni.
Gredit Guarantee Fund Trust for Micro and Small Enterprises leh Commerce & Industry chuan kumin February khan memorundum of understanding an ziak a, a kalpui dan tur zirhona hi May chawhma lamah neih tum a ni.