Book of the Year lawmman hlan

Book of the Year lawmman hlan
April ni 23 kha Mizo Academy of Letters dincham a ni a, an pawl dinchamah hian 2024 chhunga Mizo tawng lehkhabu tha bera an thlan “Hun inher kara Zofate” tih ziaktu F Vanlalrochana hnenah Book of the Year lawmman an hlan.
An pawl din champha hi I&PR Auditorium-ah an lawm a, an pawl president Prof. RL Thanmawia’n kaihruaiin, Dr. Zoramdinthara, general secretary-in report a pe a, minister B Lalchhanzova chu khuallian a ni.
Khuallian chuan Book of the Year 2024 dawngtu a chhuan thu te, a eizawnna ngaihtuahin hunawl a hman that dan turzia te, Zofate fuihna tha tak a ziak thei chu lawmawm a tih thu te a sawi.
Kan hma lam hun lo kal zel tur atan a eng lam min thlirpui thei ziakmi kan nei tiin, lawmawm a tih thu a sawi a, ziakmite chu hnam rohlu an nih thu leh anmahni rin aia nasa daiha ramin a mamawh thu te a sawi.
Khuallian hian Book of the Year 2024 dawngtu hnenah chawimawina thuchei leh pawisa fai Rs 10000 a hlan A, ‘Thu leh Hla Zin Kawng’ tih lehkhabu MAL buatsaih a tlangzarh bawk.
Chawhnu lamah Prof Rualkhuma Colney , Vice President MAL kaihhruaiin Dr. Zothanliana thuziak Duhlian Chungchang tih an zirho a ni.