Mizorama ST tana scheme siam kalpui dan rawn endik

Sawrkar laipuia National Commission for Scheduled Tribes chu an chairman Antar Singh Arya hoin scheduled tribe hamthatna tura sawrkar laipuiin ruahmanna a duante a taka kalpui a nih leh nih loh enfiahin an lokal.
April 30 hian Mizorama scheduled tribe-te hmathatna leh chawikanna atan sawrkar laipui atanga scheme hrang hrang chu state chhungah kalpui a ni em, tih leh, a hmanna tur dik taka hman a ni em, tih state level-a thlirlet a ni dawn a. Hemi hma hian Mizorama tlawmngai pawl hrang hrang aiawhte atanga hriat duh an neihte sawipuiin Thawhtanni khan an chairman ho hian Commission member dang – Nirupam Chakma, Dr Asha Lakra leh Jatothu Hussain te chuan Aizawlah tlawmngai pawl hruaitute an kawm.
Review meeting neih hma in tlawmngai pawl hrang hrangte atanga an thil hmuh dan leh ngaihdan bakah thurawn an neih ang ang hriat phawt an duh avanga tuna thutkhawm hi koh a ni tih Commission hotute chuan an sawi.
National Commission for Schedule Tribes hian vawiin – April 29 hian Chawngte leh Siaha an tlawh dawn a ni.