MP-in income tax phut thinah hma lakpui ngen

MP-in income tax phut thinah hma lakpui ngen
Mizoram a lo tlawh tuma a sawmna bawhzuiin, Lok Sabha MP Richard Vanlalhmangaiha chuan National Commission for Schedule Tribe chairman Antar Singh Arya chu Thawhtanni khan Delhi-a a office-ah hmuin a kawm.
Mizoram mai ni lo, India hmarchhaka tlangmi (nuai 50-60 vel) ten harsatna an tawh a sawipui a. A pawimawh zual zingah, Income Tax Act section 10(26) in tax a awl lai a, sumdawng thenkhat leh mi tam takin Income Tax office atanga ba thinna an dawn thin, sipai bangte pension hlawh atanga income tax cut thin bakah central/bank office-a thawk schedule tribe nisi ten an hlawh atanga TDS (Tax Deducted at Source) cut thin a nih thu a hrilh bawk. Income tax lam chuan nil return file thin tura an tih thu leh hei hian tlangmite tana harsatna a siam thute a thlen a ni.
Income tax awl ni chung si a tax thinna an dawng chu mipuiin mak an tih thu leh an hriatthiam loh thu pawh a hrilh a. Commission chairman nen hian hma lak dan tur an sawidun nghal a ni.