MNF leh ZPM hnuaiah chung lam malsawmna beisei chi loh – Lal Thanzara

MNF leh ZPM hnuaiah chung
lam malsawmna beisei chi loh
– Lal Thanzara
BJP mawngzawmtu, inthlan dawna hausa thut thin MNF leh ZPM sawrkar hnuaiah Mizoram tan chunglam malsawmna beisei ngam chi a ni rih lo tih Congress hruaitu Lal Thanzara chuan a sawi.
Hmar tlangdung khua a fannaah MPCC president Lal Thanzara chuan, Kristian sakhua dodaltu BJP mawngzawmtu, inthlan dawna hausa thut party MNF leh ZPM hnuaiah Mizoram-in chunglam malsawmna beisei ngam chi a ni lo tih a sawi a.
MNF-in intiamna an nei a, an sawrkar a, tute hnenah mah an auhla, tanpuina an tih sak hriat tur a awm lo, tiin, MNF sawrkar kaltaah khan hnam sipaite aiin Kamrul-a a lar zawk niin a sawi.
ZPM-in an intiam angin sawhthing an lei loa, hmunphiah pawh an lei lo tih MPCC hruaitu hian sawiin, “Politics hi lal duh vanga midang tih beidawnna tur intiamna hmun a ni lo. Kan sawrkar hrawn mek hnuaiah kuthnathawktute an rum a. Sawrkarin thlai rate a tichhia a, Vaiho kutah loh theih lohin sum tlemte in an hralh,” a ti.
Enchhin sawrkar chu BJP laka a intiamna a tihhlawhtlin ngam leh si loh avangin BJP chuan a hrek a, Mizoramin sum harsatna namen lo kan tawk a. A rem dan danin mipui dahkhamin sawrkar chu sum pukin a hmanhlel tih a sawi a ni.
Congress chuan mipui tana an auhla zawng zawng an tihlawhtling vek a, an intiamna NLUP-in Mizoram mipui dinhmun a tha zawngin a her danglam niin Lal Thanzara hian a sawi. “NLUP changtlung zawk hmangin Mizoram mipui tan hna kan thawk leh dawn,” a ti.