Liam Payne rokhawmtu tur a ‘ex’
One Direction member thin nikuma Argentina-a a thlenna hotel bathlar atanga thlahlum Liam Payne chuan thurochhiah a neih loh avangin a ro, dollar maktaduai 32.2 hu chu a ngaihzawng hlui leh a fa neihna Cheryl-i’n a khawm dawn ta niin sapram media ten an tarlang.
Liam Payne leh Cheryl te hian fapa, Bear, kum 8, an nei a, Bear i a nu bulah awmin, Liam-a fa neih chhun a ni. Court chuan Cheryl leh music inductry lawyer Richard Mark Bray te chu Liam Payne ro enfeltu turin a ruat a, UK-a Liam Payne estate hi leiba rulh vek hnuah dollar maktaduai 32.2 vel niin an chhut.
Cheryl (tunhma deuh chuan Cheryl Cole leh Cheryl Tweedy tih thin kha) leh Bray te hian ro chungchungah hian thuneihna pumhlum an nei bik lo a, grant an tih fel hma chuan sum chalai vel turin tih theih chin (limited authority) siam sak an ni a, estate atanga sum pek chhuah phalsak an ni lo bawk.
Liam , kum 31,hi nikum October khan Argentina-a a thlenna hotel, chhawng thumna bathlar atangin a tlahlum a, a ruang an endik na atangin a thisenah ruihhlo hnuhma an hmu nual a, a thihna chungchang hi thuneitu ten an chhui zui bawk a ni.
Liam Payne hi a thih hma hian influencer Kate Cassidy, kum 26, nen an in-date a, Liam Payna thih hma lawk hian ani pawh Argentina-ah kal velin, Liam Payne chet sual hma lawk hian a hawsan leh ta a ni.
Liam Payne rokhawmtu tur a ‘ex’
Get real time updates directly on you device, subscribe now.
Next Post