TBCC tha zawk din an duh thu CYMA-in sawi

TBCC tha zawk din an
duh thu CYMA-in sawi
Tawngtai Bethel Camping Centre chu kalphung tha zawk nena din thar leh ngei an duhsak tih Central YMA chuan an sawi.
Central YMA hruaitute hian an president Lalhmachhuana hoin Inrinni khan Tawngtai Bethel Camping Centre (TBCC) an tlawh a, tunlaia boruak awm mek chungchangah a enkawltute nen an inkawm.
Central YMA hruaitute hian sualna pung zelah Pathian rinchhana beih a tul thu leh, tunhnaia TBCC-a awmte chhuah zalen pawh thlahthlam loin, mipui nen lungrual zawka thawh hona kawng sialtu nise an duh tih an sawi a ni.
Felfai leh awmze nei zawka ruihhlo ngaite enkawl a nih theihnan hma lakpui an duh thu leh, hun reiloteah kalphung thar tha zawk nen TBCC chu a kal leh ngei an duhsak thu an sawi bawk.
Thudawn danin, TBCC atang hian tunhnaiah mi 800 chuang an chhuak tawh a, a duh apiang chhuahtir an ni. Tunah hian mipa 30 leh hmeichhia 20 vel an awm nia sawi a ni.