NEIGRIHMS-ah sawrkarin damlo buaipuitu tur a dah

NEIGRIHMS-ah sawrkarin damlo buaipuitu tur a dah
Mizoram sawrkar chuan NEIGRIHMS Shillong pantu damlote buaipuitu tur a dah a, Shillong Group YMA hruaitute chuan anmahni be pawp hmasa thin turin an chah.
Shillong Group YMA thuchhuak chuan, NEIGRIHMS Shillong-ah Mizoram hmun hrang hrang atanga rawn inentir kum khat chhungin mi 10000 vel an awm a. 2024 January atanga December chhungin damlo thisen pek ngai unit 500 vel pek tawh niin, damna beiseia inentir, dam chhuak zo lo ruang inthawn haw ngai an nei fo bawk tih a sawi.
NEIGRIHMS-a inenkawlna chu a thlawn tluk a nih avangin, Mizoram atang pawhhin inentir an tam a, tawng thiam loh avang leh thil chinchang hriat loh avanga harsatna tawk an awm fo avangin Shillong Group YMA chuan Mizoram sawrkar hotute hnenah damlo buaipuitu rawih sak tura an ngen angin, sawkarin kcontract-in damlo buaipuitu tur mi pakhat a ruai tih a sawi a ni.
NEIGRIHMS pan turten mamawh leh puih ngaihna an neih chuan Shillong Group YMA hruaitute hriatpuia inpuih tir theih reng a ni tih sawiin, Group YMA hruaitute: president – 7085400683, secretary – 9436118998, asst. secretary – 9612121718 leh finnance secretary – 9856156241 te biakpawh theih an ni tih an sawi.