Khualrel chhiatna vangin kum liamaah mi 3,000 chuang thi

On Jun 7, 2025 18 0

Khualrel chhiatna vangin kum liamaah mi 3,000 chuang thi
India-ah kum 2024-25 liam ta chhung khan khaw awm dan uchuak tak avanga chhiatna thleng tiamin khuarel chhiatna thlenga thi mi 3,080 an awm.
Union home ministry hnuaia disaster management (DM) division-in a chhinchhiah dan chuan hetiang zat thi hi awmin National Crime Records Bureau (NCRB) nen inang lo hret a awm thei thung.
National Statistics Office (NSO)-in kum tina June 5-a khualrel kaihhnawih thil a chhiarna, EnviStats a tlangzarhah thi mi 3,080 an awm thu hi tar lan a ni a. Kum 2023-24 aiin 18%-in an tam zawk.
2013-14 kha EnviStats tihchhuah a nih atanga khuarel chhiatnaa thi an tam ber kum niin 5,677 an awm a. 2024-25 hi 2001-02-a chhinchhiahna siam atanga thi an tam ber palina kum a ni.
EnviStats report siam nan hian DM division-in a chhinchhiah hman thin a ni a. National Crime Records Bureau (NCRB)-in Accidental Deaths & Suicides in India (ADSI) report a siam thin bawk a, hei erawh a chhuah hnuhnung ber chu kum 2023 niin 2022-a thil thleng tar lanna a ni.
EnviStats-ah hian ADSI report pawh tar lan thin niin kum 2022 thleng, a hma kum nga chhung khan khuarel chhiatna thlengah kum tin mi 7,526 thi anga tar lan a ni a. Heng zinga 2,772 chu tek tla vang tia chhinchhiah a nih laiin 2,034 chu a chhan chiang taka tar lan lohte an ni.
ADSI report-ah hian kum nga chhung, 2018 leh 2022 inkarah khan khuarel chhiatna thlenga thi chu mi 6,891 vel awm anga tar lan niin tek tla vangin 2,357 leh a chhan chiang taka tar lan loh 1,706 an awm bawk.
DM division-in a chhinchhiah dan hian kum 2024-25 chhunga khuarel chhiatna thlenga thi hi kum 11 chhunga an tam ber tum a ni a. Chenna in chhia leh ranvulh thi pawh an tam hle.
2024-25 chhungin ranvulh 61,960 thi awmin 2023-24 aiin 48%-in an tlam zawk thung a, 2001-02 hnuah thi tam lamah 10-na a ni a. Chenna in chhia 3,64,124 awmin 2023-24 aiin a let 2.6-in a tam zawk a, 2001-02 hnua a tlem tum pangana a ni.
Thlai chinna hmun hectare maktaduai 1.42 chhia awmin 2-23-24 aiin 6%-in a tichhe tam zawk a, 2001-02 hnua a tlem ber tum pahnihna a ni thung.