ECI-in awlsamna thar ruahman

ECI-in awlsamna thar ruahman
Election Commission of India chief election commissioner Gyanesh Kumar leh election commissioner pahnih – Dr Sukbhir Singh Sandhu leh Dr Vivek Joshi te kaihhruaiin tunlai thiamna hmanga awlsam zawka index card leh inthlan kaihhnawiha statistical report hrang hrang buatsaihna tur ruahman a ni a. Tunhma atanga kutziaka buatsaih thin heng report hrang hrang hi khawl hmanga buatsaih a nih chuan hun a heh loh dawn bakah peihfel a awlsam zawk dawn tih sawi a ni.
ECI hmalakna in inthlan kaihhnawih data hrang hrang awmna index card hi researcher, academia, policymakers, journalist leh mipui vantlangin an hriat theihna tura buatsaih thin a ni a. Index card-ah hian candidate chungchang, electors, vote tlak dan, vote chhiar zat, party leh candidate vote hmuh dan, mipa leh hmeichhia vote thlak dan, bial hrang hranga vote tlak dan leh party hrang hrang dinhmun dah thin a ni.
Lok Sabha inthlan atan statistical report 35 leh State Assembly inthlan atan statistical report 14 buatsaih thin a ni a. Heng report-ah hian inthlan chungchang zirchiang duh tana hriat theih turin state/ parliamentary constituency /assembly constituency anga voters awm zat, polling station awm zat, state pum leh constituency bial khata vote tlak dan, hmeichhe candidate vote hmuh dan, national leh state party vote hmuh dan bakah registered unrecognized political party (RUPPs) vote hmuh dan dah thin a ni.
Index card hi secondary statistical report anga research kaihhnawiha zirchian theih tura buatsaih niin, primary data chu a bialtu returning officer-ten an buatsaih thin.
Index card-a data hi manual-a ziah a nih hnuah online-a dah luh leh a nih thin avangin heng statistical report hrang hrang buatsaih tur hian tha leh hun a duh rei bakah data peih har a nih phah thin tih ECI chuan a sawi a ni.