National Statistics Day hmang

National Statistics Day hmang
National Statistics Day vawi 19-na chu Directorate of Economics & Statistics buatsaihin Zirtawpni khan hman a ni. Indian scientist leh statistician ropui, Professor Prasanta Chandra Mahalanobis (1893-1972) pian champha hriatrengna atan kumtina hman thin a ni a, kumina thupui chu “75 Years of National Sample Survey” tih a ni.
Hmanpuitu adviser to chief minister (Planning & Finance) TBC Lalvenchhunga chuan sawrkarin planning a ngaipawimawh avangin Economics & Statistics hnathawh a pawimawh hle tih a sawi a. Data dik leh rintlak neih a pawimawh a, a bikin market intelligent hnuaia department hrang hrang data inang khat neih a tul tih a sawi.
“Multi Dimension Poverty Index Survey neih a tul a, GSDP calculation method fimkhur taka kalpui a pawimawh a, thawktute training neih tam a pawimawh a ni,” a ti. Department hrang hrang hlutna pawh an tam leh tlemah niloin ram tana an an thawh hlawk leh hlawk loh dan (output) atanga teh thin tur a ni tih a sawi bawk.
Planning secretary Lalmalsawma sawi danin, tunah hian NSS survey round 80-na neih mek a ni a. Survey hian social consumption, health, comprehensive modular survey on telecom and education, domestics tourism expenditure survey leh national household travel expenditure a huam dawn a ni.
National Statistics Day-ah hian university leh college thlan bik zirtirtute leh zirlaite nen technical session hun hman a ni a. Economics & Statistics assistant director C Vanlalvena’n “75 years of National Sample Survey” tih thupui hmangin presentation a pe a, sawiho zui a ni.
National Statistics Day hi June 29-a ni a; kuminah Pathiannia a tlak avangin June 27-a hman a ni.