Aizawla Volleyball IndoorStadium dinna tur thlen

Aizawla Volleyball Indoor
Stadium dinna tur thlen
Mizoram Volleyball Association (MVA) hruaitute chuan Thawhlehni khan chief minister Lalduhoma an hmu a, kumin April 16-a an hmuh tuma Mizoram Volleyball Indoor Stadium propose estimate thehlut tura a tih angin an thehlut.
Chief minister hian a department chan, Planning & Programme Implementation atanga buaipui a tum thu leh Aizawla Volleyball Indoor Stadium a awm loh avangin sawrkarin a ngaihpawimawh zual bik (priority list) a an dah tur thu a lo hrilh a; a theih anga hma lak thuai a tum thu a sawi.
MVA hian tunhnaia volleyball charity match an buatsaiha an sum hmuh atangin Chief Minister Relief Fund-ah Rs. 50000 chu an chhunglut a ni.
Mizoram Volleyball Association hian kumin June 20 zana Charity Volleyball Match & Show an neih atanga khuarel chhiatna tawkte tanpuina sum an dawn tlingkhawm cheng nuai 5 chu a bo a bang awm loin an semchhuak.
MVA hruaitute hi hmun hrang hrangah insemdarhin district 5 – Serchhip, Hnahthial, Lawngtlai, Champhai leh Aizawl district hmun hrang hranga chhiatna tuarte tanpuina sum an hlan a, khuarel chhiatna avanga nunna chan chhungte hnenah ralna Rs. 10000 theuh an pe bawk.