Durtlang leh Kawnpui siamthatfur khat daih loin chhe leh tawh

• Congress Thalai

Durtlang leh Kawnpui siamthat
fur khat daih loin chhe leh tawh

• Congress Thalai
  Thla kaltaa siam Durtlang leh Kawnpui inkar kawng chu a chhe leh tawh niin Congress Thalai chuan an sawi.
  Tuirial Block Youth Congress Committee thuchhuak chuan, Ningani khan Durtlang leh Kawnpui inkar kawng
  a hmunah an endik a, thla kalta lawka lirthei veivak harsatna thlen phah khawpa kawng siam avanga an dan fo lai a, tuna kawng chhe leh em em chu pawi an tih thu a sawi.
  Helai kawng hi Sairang-a inkulh BRN Construction siam niin, kawng siam a nih tan tirh atangin damlo phur leh chhiat tawk lirthei, zirlai, hnathawk mi hrang hrang tana harsatna tam tak siam phah khawpin lirthei veivek rei tak tak dan (road block) fo a ni tih a sawi a. Hetiang a nih laia mipui harsatna thlen phah khawpa reilotea kawng siam zawh tawh, hrehawm khawpa a awm leh chu pawi a tiin, he hna petu sawrkar leh hnathawktuten a ranglama enfiah a, a tul anga siamthat hna thawk turin an phut tih a sawi.
  ‘Kalphung thar tia inzuarten an sawrkar laia kawng an siam, fur khat pawh a daih lo hi pawi kan tiin PWD minister Pu Vanlalhlana chu a department chan mutthlak san loa, mipui harsatna sukiang si loa ZPM office vela insawi hlim chawp mai mai loin, an intiam leh an inzawrhna anga awma hna thawk turin kan phut a ni,’ a ti.