NH-306 chhiaah sawrkarinmidang mawhpuh tum lo se

• Dr Lalmalsawma

NH-306 chhiaah sawrkarin
midang mawhpuh tum lo se

• Dr Lalmalsawma
  National Highway 306 chhia siamthat har chhanah Mizoram sawrkarin midang mawhpuh reng tum lo se a duh tih Congress hruaitu Dr Lalmalsawma chuan a sawi.
  MPCC treasurer Dr Lalmalsawma Nghaka hian Ningani khan Mualkhang- Khamrang inkar tlawhin, he national highway-ah hian ni tam tak chhung bungraw phur lirthei an tangkhang tawh a, lirthei neitute leh lirtheia eizawngte an khawngaihthlak a, bungraw chahluttu sumdawngte sum a tang nasa a, an mangang tawh hle tih a sawi.
  Opposition party leh pawl dangten mipui tan nasa takin thawm an nei a. Lirtheia eizawng pawl zingah hnatlanga thawk chhuak a, a tlan tawk tawk theihnan tia kawng thawmtha pawh an awm hial tih a sawi bawk.
  He kawng hi Mizoram sawkarin September 2024 khan a siamtu Satguru hnen atangin a laksak a. Kawng hi veiin ti tak tak se, thla kalta hun engemawzat chhung khan an siamtha hman vek tih MPCC treasurer hian sawiin, “Chutianga ti ta loin, mawhpuh tur leh chhuanlam tur zawngin an phe ruai a. Mizoram sawrkar mawhphurhna a ni tih hrereng chungin kan hotuluten tu mawhphurhna ber nge tih hriat harsa khawpin an sawi kual vel a ni,” a ti.
  He kawngpui hi Mizoram sawrkar mawhphurhna a nih zia tichiang turin kumin July 7 khan Mizoram PWD-in NH-306 (km 118) Kawnpui to (km 133) New Khamrang kawng chu NHIDCL hnenah a hlan a, NHIDCL tan pawh furpui laiin hma a lak ve theih ta chauh tih a sawi.
  “Nikum lama kawng an black top, Vairengte atanga Khamrang kawng pawh a khawk leh deuh vek tawk a. Hengte hi a pawimawhna hria a, uluk leh changtlung zawka thawmtha zel turin sawrkar kan fuih a ni,” MPCC hruaitu hian a ti a. Midang mawhpuh tawh loin a tih tur dik tak sawrkarin hlen chhuak turin an phut tih a sawi a ni.