India leh UK-in sumdawnnaah inremna ziak

India leh UK-in sumdawnnaah inremna ziak
Indian Prime Minister Narendra Modi chuan UK Prime Minister Sir Keir Starmer nen pound tluklehdingawn tam tak chetvelna tur zalen taka insumdawn tawnna tur inremna an ziak.
UK car leh whisky chu man tlawm zawkin India-ah lak luh a ni ang a, Indian textile leh tlereuh thilte chu tlawm zawkin UK-ah phurh luh a ni ve thung ang.
Inremna ziak tur hian kum thum chhung buaipui a ni a, India-UK hian dan lova an rama lut tihtawpna tur ruahmanna an siam thar bawk.
UK Prime Minister Sir Keir chuan UK-India inremna chu British-in Brexit hnua ‘a lian ber leh sum leh paia a hlawkpui ber tur inremna’ niin a sawi.
“Inremna ziah a ni a, tihfela inhlan vek a ni,” a ti.
Inremna hian British mi 2,200 chuang hna a siamsak dawn niin Sir Keir chuan a sawi a, Indian firm-te UK-ah inzar pharhin British company-te pawhin India-a sumdawnna remchang an nei dawn niin a sawi.
Modi-a pawhin inremna chu fakin ‘kan pahniha kan thanna tur’ a ti a. “Indian textile, pheikhawk, gem leh tlereuh, lui sa, engineering thilte chu UK-ah man tha zawka hralh theih a ni danw ta,” a ti.
“India-a industry leh mipuiin UK-ah thil an siam thei dawn a, a bikin damdawi thil leh van sang thil a tel dawn a, banphak mai leh man tlawm zawk a ni thei dawn,” a ti.
UK sorkar hian May thla khan inremna hi puangin kum tam tak lo indawr tawh a ni a, British economy chu kum khatah £ tluklehdingawn 4.8-in a tipung dawn.
Inremna hi Indian cabinet chuan kartir khan pawmin UK parliament-in a la pawm ve lo thung a, kum khat vel chhungin tihfel leh hman theih a ni ang.
Chhiah tlem zawka Indian bungrua an lakluh theih tur zingah thawmhnaw leh pheikhawk, car,
ei tur leh tlereuh a tel.
UK hian chhiah tlem zawkin gin leh whisky, aerospace, electrical leh medical device, vun cheina bawlhlo, beram, salmon, chocolate leh biscuit leh luxury car te a tel.
UK hian £ tluklehdingawn 11 man India atangin bungrua a la lut sa mek a, chhiah tlem zawnga a lak luh chuan kawngro nasa takin a su dawn a ni.
UK-in India-a thil a thawn luha chhiah lak thin chu 15% atangin 3%-ah a tla deuh vek dawn a, hei hian British company tan India-a bungraw hralh a tiawlsam dawn a ni.
Prime minister pahnih hian rem venhimna, zirna, sik leh sa, technology leh thil thar chin chhuahna kawnga inpuih tawnna tur inremna an siam bawk.
Modi-a hi UK-ah a zin mek a, kum 2014-a prime minister a nih hnua UK a tlawh vawi lina a ni.