Oil rawn luh belh zel

Oil rawn luh belh zel
Kawng chhiat avanga petrol leh diesel-a harsatna thleng hman chuan ziaawm lam a pan leh tan a, oil tanker 100 chuang a rawn lut chho mek.
Thudawn danin, July 28 tlai lam thleng khan oil phur tanker 150 velin Vairengte an rawn paltlang tawh a. Chhinchhiah chinah Mizorama rawn lut tanker 129 hi IOC Ltd hnuaia oil la niin, BPC Ltd. leh HPC Ltd. hnuaia oil la tanker 21 an awm bawk. La rawn luh belh tur pawh an awm tih sawi a ni.
Aizawl leh Silchar inkar national highway kawng chhiaa tangkhang lirthei zingah oil tanker leh eirawngbawlna gas phur lirthei chu chhuah hmasak an ni tih thu dawn a ni.
Kawnpui- Sairang inkar kawng chhia avang hian Mizoram Oil Tanker Driver Association chuan July 19 khan tlan ngam khawpa kawng siamthat a nih hma chuan an tlan rih tawh lo tur thu an sawi a, hei vang hian Mizoramah oil a van phah hman. July 27 khan sawrkar aiawh nen inbe remin an tlan leh tan a, oil dinhmunin ziaawm lam a pan leh tawh.