Boruak thianghlim neihduhtunu in Zoram a fang

Boruak thianghlim neih
duhtunu in Zoram a fang
India ramah boruak thianghlim kan hip zel theihna atana thing leh mau humhalh tlangaupuitu Delhi nula chuan Mizoram a rawn fang thleng.
Mission Healthy Bharat hotu Tapsi Upadhaya hian Thawhtanni khan Aizawlah thuthar thehdarhtute kawmin, India mipui hriselna atan mipui zirtir a, khawtlang hruaitute leh tlawmngai pawl nen tang tlang a, boruak thianghlim hip tur kan neih zel theihnana theihtawpa tanrual puiah mipui a sawm tih a sawi a ni.
March 2023 khan Meerut Uttar Pradesh-ah tuna a tlangaupui hi bul a tan a, motorcycle-in km. 4000 chuang a zin tawh a, India ram state 28 leh UT 8 tlawh chhuah vek a tum tih a sawi.
Tunah hian Tripura atangin Mamit district-a rawn lut chho in, Mamit district-a zirna in pathuma hun a hman hnu ah Aizawla college thenkhatah hun a hmang anga; Kolasib district-ah kalin, heta tang hian Manipur pan a tum tih a sawi. Thawhtanni khan Health minister Lalrinpuii bakah Aizawl SP Rex Zarzoliana Vanchhawng pawh a hmu a ni.