Digital-in LSC pechhuak tan

Digital-in LSC pechhuak tan
Land Revenue & Settlement department-in e-ram kaltlanga online-a digital signature hmanga LSC a siam chu Thawhlehni khan LR&S minister B Lalchhanzova’n a hmasa ber atan a pe chhuak.
Minister hian kumin February 19 khan e-ram portal go-live hun a lo hmanpui tawh a, e-ram portal kaltlangin mipuiin ram teh, hming thlak, ram then leh dilna hrang hrang online hmanga an thehluh chu, e-ram kaltlang vekin ‘first come, first serve’ a a hmasak dan indawtin detailment siam a ni a, chu chu empanelled surveyor-ten lo tehin, e-ram portal kaltlang veka process a ni. Land recording fees leh tul dangte online hmanga payment pek niin, applicant-te mobile phone ah download theih turin e-ram kaltlangin a hmasa ber atan digitally signed LSC/RoR (Record of Rights) hi a pe a ni.
Ram chin chhinchhiahna, ram chhiah pek, ram lei leh hralhte kalphung buaithlak tak nia mipui thinlunga lo awm tawh chu, e-ram portal leh an department hnuaia tax payment portal mipuiin uar zawka an hman hun chuan awlsam taka tih zung zung theih a ni ta chuan mipui thinlung a tha zawnga a thlak ngei a beisei tih a sawi.
Land Revenue & Settlement director R Lalthazuala sawi danin, e-ram portal kaltlang hian dilna 2864 a lut tawh a, detailment 1019 siam tawhin, survey report 690 thehluh fel a ni tawh. LSC numbering chu hriat awlsam zawknan area code hman thar a ni a, LSC siam tawh sa zawng zawng pdigital copy e-ram a dah luh vek a ni tawh a, offline leh online-in application thuang hnihin surveyor-ten an kalpui mek a ni.