Raltlan biometric enrolment ti tan

Raltlan biometric enrolment ti tan
Mizoram sawrkarin Myanmar buaina avanga Mizoram-a raltlante chhinchhiah a, an mitnote thla laksak vek tura ruahmanna a siam angin, Hnahthial District Level Committee on Displaced Person hmalakna in Ningani atang khan an district chhung Thingsai khuaah biometric enrollment kalpui tan a ni a, a tahtawlin khaw dangah pawh kalpui zel tum a ni.
Hnahthial bawrhsap office chhinchhiah danin, tunah hian an district chhung khaw 20-ah relief camp 13 leh mi in luah Myanmar raltlan mihring 701 an awm a. Thingsaiah hian tam berin mi 230 an awm. Raltlan zingah hian puitling 436 (mipa 198 leh hmeichhia 238) bakah naupang 265 an awm a ni.
Serchhip district-ah pawh Nilaini atang khan kalpui tan a ni a, a hmasa ber atan Serchhip Chanmari VC huamchhunga raltlan 16 chu biometric enrolment tih sak an ni.
Ruahman lawk ang chuan August 4-ah Serchhip Darnam VC area-ah tih leh a ni anga, hemi hnu hian Serchhip town chhunga VC area hrang hrangah chhunzawm zelin, August 29-ah Serchhip town area pawnlamah kalpui tum a ni. VC area hrang hrang 29-a tih a nih hnuah September 22-ah zawhfel hman tum a ni.