Lirthei tluk theih khawpakhuar chhia awm tawh lo
- ZPM Thalai
Kawnpui -to- Sairang kawng inkar chhia thawmthat mekah tun dinhmunah lirthei tluk theih khawpa khuar chhia a awm tawh lo tih ZPM Thalai chuan an sawi.
ZPM Thalai Gen. Hqrs hi Thawhlehni khan Sairang -to- Kawnpui kawng chhe lai siamin an hnatlang a, Sairang, Khamrang leh Mualkhanga tlawmngai pawl hrang hrang hnatlangin an chhuak tih an sawi bawk.
‘Kawnpui to Sairang hi NHIDCL kuta hlan ni tawh mah se, a chhe lai siam kawngah MPWD chuan hma a la zui zel a, PWD minister Pu Vanlalhlana leh engineer in chief Pu H Zoramliana ten riahchilh meuhin an vil a ni,’ ZPM Thalai thuchhuah chuan a ti a. Helai kawng chhia in mipui tana harsatna a siam nasat zia hriaa MPWD leh tlawmngai pawlin theihtawp chhuaha kawng an siam lai a, a him chin atanga lo thlir ringawttu nih chu thil ni theiah an ngai loa, an theih ang tawk ti ve turin an president, MLA Jeje Lalpekhlua hoin ZPM Thalai member hnatlangin an thawk chhuak tih an sawi.
‘Tun dinhmunah Sairang – Kawnpui inkarah lirthei tluk theihna tur khawpa khuar chhia a awm tawh lo niin kan hmu a. Harsatna tizia awm tura MPWD leh tlawmngai pawlte thahnem ngaihnaah lawmthu kan sawi a ni,’ an ti.