Istanbul-a Chanel dawrin J.Lo an hnar!

Kawvelah hian lar emaw intih viau tawh hnuah pawh mi zawng zawngin min lo hre vek kher lo tih Jennifer Lopez-i’n a tem ve tlat. J.Lo hi kar kalta khan Istanbul-a Yenikapi Festival Park-ah a perform a, mahse, a hun a thlen hmain hun awl a ngah deuh a, Istinye Park mall-ah a bazar ta a.
Chutah chuan Chanel dawr a awm a, luh a tum ta. Mahse, security guard-in tunge a nih a lo hre si lo a, dawr chhungah mi an tam rih, tiin J.Lo chu a luh tir phal ta tlat lo.
Khawvela milar berte zinga mi niha chutiang han tawn chu tute emaw chu ni se “Tunge ka nih i hria em?” an ti ngei ang a, mahse, J.Lo erawhin chutiangin a ti lo, lungawi lo hmel pawh pu chuang lovin, “A nih tak chu, a pawi lo e,” tiin a kal tlang ta mai a ni.
He security guard hian a hnu deuhah J.Lo hi pan lehin, Chanel dawrah chuan lut turin a sawm leh nain, J.Lo a lut duh ta bik chuang lo niin Istanbul chhuak chanchinbu Patronlar Dunyasi chuan a tarlang. J.Lo hi Chanel nena sumdawnna lama inel tal, an dawr bula luxury store dang Celine leh Beymen velah te bazarin, dollar sing tel man a dawr ta zawk a ni.