Minister-in hrilh lawk loin Aizawla school pathum en

Minister-in hrilh lawk loin
Aizawla school pathum en
School Education minister Dr Vanlalthlana chuan Nilaini khan Aizawla sawrkar enkawl school thenkhat chu hrilhlawk loin a tlawh a, an building dinhmun leh naupangte zirtirna an pek dan a enpui.
Minister hian school pathum – ITI High School Adhoc Aided, Salem Veng Primary School II leh MICE Comprehensive School a tlawh a. ITI High School hi building sak mek la zawh loh, hna chawlhsan si a ni a, harsatna an neih leh an hmabak a thlirpui. Building hi cheng nuai 64.5 senga sak mek a ni a, classroom pahnih, laboratory room, library, headmaster leh teachers common room a ni. Headmaster leh zirtirtuten an lo dawngsawng a ni.
Salem Veng P/S II tihtawp tawh hmunhma leh building a en a. He school building hnuai lam kawng an chu khawtlangin Salem Veng Market atan an hmang mek a, a chunglam hi post office leh thildang atan hman a ni.
Minister hian MICE School Tuikual a en bawk a. Classroom leh smart classroom, ICT room, library leh vocational education classroom a tlawhkual a, hmeichhe naupangten self defence an zir mekah buaina an tawh thulha mahni inven dan an lo entir bawk.
School Education minister School Education secretary David Lalthantluanga, director Angela Zothanpuii, SPD C Lalthanzira leh deputy director PC Lalngaizuala ten an tawiawm.