Har Ghar Tiranga pualin Aizawlah 2-wheeler rally

Har Ghar Tiranga pualin
Aizawlah 2-wheeler rally
‘Har Ghar Tiranga’ campaign kalzelah BJP Mizoram chuan Nilaini khan Aizawlah ‘Two-Wheeler Rally’ a huaihawt a. State president Dr K Beichhua, MLA chuan rally-a telte hi Sikulpuikawn-ah vailiamin, Chanmari kawna an kual hnu ah BJP State office Upper Republic-ah hun tawp siam a ni.
BJP Mizoram president chuan Har Ghar Tiranga puala hun an hman hi two wheeler rally an nei a ni satliah loa, India ram hmun hrang hranga cheng, chhimtawp atanga hmartawp thlenga chengte kan inpumkhat zia lantirna a ni tih hriat a ngai tih a sawi.
“British ho laka zalenna kan hmuh hun laia tha leh zung thawhtute kha vawiinah chuan kan zingah awm tawh lo mah se, keini la dam ho hi, kan mi hmasate aiawha India ram ropui tak enkawl chhunzawm tura awm kan ni tih hriat thar a ngai. India ram hian hmalam kan pan zel a, Mizoram ngei pawh hian state dangte ruala hmasawnna kawng kan zawh zel theihnan inlungruala hmalam kan pan a ngai a ni,” Dr K Biehchhua hian a ti.