Mizo tlangval hnenah India sipai award sang

Mizo tlangval hnenah
India sipai award sang
India rama Peacetime Gallantry Award sang ber pahnihna Kirti Chakra chu Captain Lalrinawma Sailo, 4 PARA (Special Forces) chuan a dawng a, India President Droupadi Murmu chuan New Delhi-ah a hlan.
Capt. Lalrinawma Sailo s/o Saihmingliana Sailo hian he chawimawina sang a dawn chhan hi tarlan ni lo mah se, tunhnaia India sawrkarin Operation Sindoor a neiha hma a lak that vang nia sawi a ni.
Mizoram larsap Gen. Vijay Kumar Singh (Retd) chuan Kirti Chakra dawng tur 4 thlan zinga Capt. Lalrinawma Sailo a tel chu ropui a tih thu a sawi a. Mizo zinga kum 1968-a he chawimawina dawng tawh Subedar Chalhnuna Lushai dawta dawng leh hmasa ber a ni, tiin, ram tana a huaisenna leh inpekna chuan India leh Mizoram a chawimawi tih a sawi.
Chief minister Lalduhoma pawhin he chawimawina sang a dawn hi Mizo thalaite theihna ropui zia a tilang tih sawiin, “Theihtawp kan chhuahna apiangah mi chunga leng thei kan ni tih min zirtir a ni,” a ti a. Lawmpuina thu a ziak.
Home minister K Sapdanga leh Youth Services minister Lalnghinglova Hmar te pawhin Capt. Lalrinawma Sailo lawmpuina thu an ziak a ni.