Hmun hnihah kuhva rah man

August 14 khan Kolasib leh Champhaiah dan loa phurh kuhva rah ro man a ni.
August 14 tlai dar 5.00 vel khan Kolasib Police chuan Kolaisb Diakkawn-ah kuhva ro buara ip (bag) 145, kg. 1100 a rit an man a, a phurtu truck MZ-01 N 3724 khalhtu hi Abdul Kalam Laskar (32) Bhaga bul Islamabad, Cachar district Assam a ni. Police hnena a sawi danin, kuhva rah hi Champhai bul Tuipui atanga rawn phurh niin, Lailapur-a hlanthlak tur a ni. Tualchhunga an inlei sak dan chuan a kuhva rah phurh hi Rs. 2,20,000 hua chhut a ni.
Thudawn danin, dan loa kuhva rah phurhna truck khalhtu hi thubuai siamsak a ni a, Kolasib District Court-a hruai a nih hnuin bail-a chhuahtir a ni.
August 14 vek khan Assam Rifles chuan chhunah Champhai Ruantlangah, Myanmar atanga dan loa lakluh kuhva rah bag 466 (kg 35560), an man a, tualchhunga an leina anga chhutin cheng vaibelchhe 2.48 hua chhut a ni. Assam Rifles hian kuhva rah hi dan anga hma lak zui turin Custom Preventive Force Champhai kutah an hlan.