Loneitute tan crop insurance buaipui

Loneitute tan crop
insurance buaipui
BJP chuan Mizorama loneituten buhbalah insurance an neih thuai theihnan hma an la.
BJP Mizoram thuchhuak chuan, kuthnathawktuten an buhbal insurance an neih thuai a tul tawh hle, tiin, Agriculture director an hmu a, director hian crop insurance chu department pawhin hman thuai an duh tih a lo hrilh. BJP hruaituten agriculture insurance company an biak tawh thu leh Mizorama kuthnathawktute thlai thar insurance an neih theihnan sawrkar nen hnathawh an inpeih tih an hrilh a ni.
Tunhnaiah loneitu nuai 30 hnenah Union Agriculture minister Shivraj Singh Chuauhan-a’n PM Crop Insurance hnuaiah cheng vaibelchhe 3200 a pechhuak a. Central-a BJP-in kum 2016-a sawrkarna a chelh khan kuthnathawktute hmakhua thlir chungin PMFBY /PM Crop Insurance Scheme duangin kuthnathawktu vbch. 78 velin an buhbal insurance nei turin an ziaklut a. Vbch. nuai 1.83 insurance titute hnenah thlai luman pek chhuah tawh a ni tih an sawi.
BJP Mizoram hruaitute chuan sawrkar laipuiin kuthnathawktute puihna a pek thin PM-KISSAN a inziaklut tawh, tanpuina la lutlo leh inziaklut thar duh chungchang an sawipui nghal a. Agriculture director hian BJP hruaitute thu thlen chu kuthnathawktute hmakhua ngai taka ti an nihnaah lawmthu hrilhin, District Agriculture Office leh Block Agriculture Office chu kuthnathawktute harsatna chinfel pui tur leh anmahni pui turin an awm reng tih a sawi a ni.