‘KPop Demon Hunters’ hla a lar ber

Kar khat chhunga khawvel huapa hla lar zual panga zinga pali chu ‘KPop Demon Hunters’ soundtrack a ni tlat mai. He animated film soundtrack atana HUNTRIX leh Saja Boys hla pahnih ve ve chu Billboard Global 200 chart top 5-ah an lang thei a, he chart-a tum khat film pakhat atanga soundtrack lang tam thei ber a la ni.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
HUNTRIX (EJAE, Audrey Nuna & REI AMI) “Golden” chu he chart-ah hian No.1 ni lehin, a zawn lovin kar nga a No.1 tling ta a, an hla dang “How It’s Done” chu top 5 a kai thar ve leh ta bawk a, he chart top 5-a hla pahnih an neihna a ni.
HUNTRIX hla pahnih inkarah hian KPop Demon Hunters soundtrack tho, Saja Boys (Andrew Choi, Neckwav, Danny Chung, Kevin Woo & samUIL Lee) hla pahnih “Soda Pop” leh “Your Idol” te chu No.3 leh No.4-ah an lang thei bawk.
Billboard Global 200 chart top 5-a KPop Demon Hunters soundtrack ni lo lang thei awm chhun chu he chart-a kar 10 No.1 ni thei, Alex Warren “Ordinary” niin, No.2-ah bawk a la awm.
Billboard Global 200 Top 10:
1 Golden – HUNTR/X: EJAE, Audrey Nuna & REI AMI
2 Ordinary – Alex Warren
3 Soda Pop – Saja Boys: Andrew Choi, Neckwav, Danny Chung, Kevin Woo & samUIL Lee
4 Your Idol – Saja Boys: Andrew Choi, Neckwav, Danny Chung, Kevin Woo & samUIL Lee
5 How It’s Done – HUNTR/X: EJAE, Audrey Nuna & REI AMI
6 Daisies – Justin Bieber
7 Jump – BLACKPINK
8 Back To Friends – sombr
9 Die With A Smile – Lady Gaga & Bruno Mars
10 The Subway – Chappell Roan