Youtuber lakah BJP-in FIR thehlut

Youtuber lakah BJP-in FIR thehlut
BJP Mizoram chuan K&L Production youtube channel-in BJP chungchang diklo takin a sawi nia sawiin, Ningani khan Aizawl Police Station-ah FIR thehlutin, a tul anga hma laksak turin an ngen.
BJP Mizoram thuchhuak chuan, K&L Production youtube channel hian Central BJP chungchang thudiklo hmangin a puh nia sawiin,”Sawrkar laipui a kehchhe mek, India ramin harsatna lian tak a tawk mauh mai,” tih thupui hmanga a sawi chu thu belhchian dawl lo, mipui hruaisual thei a ni tih a sawi. Hetianga mipui rilru hruai diklo thei tur post hi awm tawh lo se an duh tih a sawi bawk.
‘Politics kan khel a nih pawhin thudik leh belhchian dawl hmang chauha khel a, ram hmasawnna leh mipui awlsamna tur ngaihtuahna nen ram rawngbawl hnaa intihsiakna tha bei mai turin BJP Mizoram chuan party dangte kan chah a ni,’ a ti.