Mizoram sawhthing thar hi a tha – NEC jt. secretary

Mizoram sawhthing thar hi a tha
– NEC jt. secretary
Ministry of DoNER-a North Eastern Council (NEC) joint secretary Angshuman Dey chuan Ningani khan Champhai a tlawh a. District Agriculture Market Committee member-te leh kuthnathawktute a kawm.
NEC hotu chuan Champhai District DAMC leh loneitute hmalakna ropui a tih thu a sawi. Sawrkar lai chuan India hmarchhak lam hawi mai niloin, a hmunah hna thawha hma lakpui a tum tih a sawi.
Mizoram-in sawhthing a thar chhuah chu a tha hle a, state hmel tilangtu pakhat a ni, tin, India ram bakah khawlvel huap pawha inphochhuahna tur hmanraw tha tak a nih avangin, tun aia nasaa huang zauh leh changtlung zawka kalpui a tul tih a sawi a ni. Kuthathawtute chu ruahmanna mumal tak siam a, sawrkar atanga subsidy tel lo pawha an hlawtlinpui theih khawpa ngaituahna senga tumruh turin a chah.
Hemi hnu hian IIDC Zote, DCSO Secondary Collection Centre New Champhai, Tlangsam Grape Winery Passion Fruit Processing Unit, Cold Storage Complex New Champhai a tlawh a ni.