Grizzlies tan Morant a kir

Grizzlies tan Morant a kir
Ningani zing khan NBA regular season khelh chhunzawm a ni a. Memphis Grizzlies in Houston Rockets an hneh tumin hrem vanga khelh riat chhung ngawt inlan tawh lo Ja Morant chu Grizzlies tan a kir a, a team te hnehna a chanpui.
Ja Morant hian Colorado nightclub-ah si lai a che lek lai video a darh chiam vangin NBA in an hrem a, game riat khel thei lo tura an hrem bakah a hlawh pe lo turin a khelhna club an hrilh bawk. Hrem a tawrh zawh hnuin thawhtan zinga Dallas Mavericks an hmachhawn tum khan chhawr theih a ni tawh naa Grizzlies hian an awltir rih thung. Ningani zinga Houston Rockets an hmachhawn tumin bench atangin an luhtir a, mual chhhungah minute 24 hun a hman chhungin point 17 a thawkchhuak hman a. Ball sawhlet vawi nga a dawng tling bawk. Ja Morant kir leh tum hian Grizzlies hian point 130-125 in Houston Rockets hi an hneh.
Ninga zinga inkhel dangah Dallas Mavericks tan Luka Doncic a che tha leh viau a, point 30 thawkchhuak bawk mah se champion lai Golden State Warriors lakah an tlawm tho thung.
Golden State Warriors lakah point 127-125-a Dallas Mavericks an tlawm tum hian Mavericks player pawimawh Luka Doncic hian point 30 a thawkchhuak a. Season kal mekah khelh khatah point 30 chin vawi 41 zet a thawkchhuak tawh a, Mavericks tan season kal mekah point 30 chin thawkchhuak ngun ber a ni hial nghe nghe