Box office-ah ‘Demon Slayer’ a la No.1

Box office-ah ‘Demon Slayer’ a la No.1
Anime hit zet mai ‘Demon Slayer: Kimetsu no Yaiba – the Movie Infinity Castle’ chuan tun weekend kalta khan North America-ah cinema hall ticket hralhna atangin dollar maktaduai 17.3 la lut lehin North American box office No.1 a la ni. He film hian kar kalta khan opening weekend-ah US-ah dollar maktaduai 70 la lut a, record siamin No.1-ah a rawn debut a nih kha.
‘Demon Slayer’ hian US bakah ram hrang hrang atanga a sum lak luh belhkhawm chu dollar maktaduai 555 a tling ta a, anime film tlangzarh tawh zawng zawng zinga sum la lut tam ber a la ni.
Film tlangzarh thar Margot Robbie leh Colin Farrell te channa, romantic fantasy ‘A Big Bold Beautiful Journey’-in opening weekend-ah dollar maktaduai 3.5 chiah a la lut a, No.6-ah a debut. He film hi Barbie a hlawhtlinpui hnuah Margot Robbie a changtunu anga a inlan lehna hmasa ber a ni a, hei chuan beisei a pha ta lo hle thung a ni.
No.2 ‘Him’ pawhin beisei a pha lo a, Tyriq Withers chu NFL quarterback tha ber pawl niin, mahse, amah beitu avangin hliam a tuar a, a thluak lam a che tel deuh tlat mai. Tichuan a theihna te hai chhuak leh turin Marlon Wayans chuan ama private compound-ah a train ta tlauh tlauh mai a ni.
The Conjuring: The Last Rites a la kaltluang viau a, a kar thumnaah dollar maktaduai 12.9 la lut lehin No.3 a la ni a, Downton Abbey: The Grand Finale leh The Long Walk ten dollar maktaduai 6.3 ve ve la lutin, No.4 an ni bawk.
Box office top 10:
1 Demon Slayer: Kimetsu no Yaiba – the Movie Infinity Castle $17,300,000
2 Him $13,500,000
3 The Conjuring: Last Rites $12,950,000
4 Downton Abbey: The Grand Finale $6,300,000
4 The Long Walk $6,300,000
6 A Big Bold Beautiful Journey $3,500,000
7 The Senior $2,773,021
8 Toy Story $1,400,000
9 Sight & Sound Presents: Daniel LIVE $1,384,408
10 Weapons $1,260,000