GST rate thar hmang lo vai nghal

GST rate thar hmang lo vai nghal
Taxation department chuan Goods & Service Tax rate thar hmang lo nia thu an dawn chu Nilaini khan an bawhzui nghal.
Sawrkar laipui ruahman angin, GST rate thar hi kumin September 22 atang khan hman tan a ni a. Hemi ang hian bungrua leh tha (service) kan hman tam zawk chu a man a tihniam dawn. GST rate thar hmaa stock an neih sa thlenga huam tur nia sawi a ni.
Hemi zawm lo an awm chuan, tiin Taxation department chuan, mipuiin complaint an thlen theihna tur phone number a thehdarh a, complaint lut a awma bawhzuitu tur Quick Response Team pawh a din a, mipui complaint an dawn apiang bawhzuiin GST rate tlakhniamna anga bungraw man ti tlawm lo chungah anti-profiteering measure hmangin dan angin an chawitir zel dawn tih an lo sawi lawk tawh a ni.
September 23 & 24 ah hian Quick Response Team chuan complaint 15 an dawn an bawhzui a, a tul angin action lak nghal a ni tih an sawi.