Hmeichhe naupang pawngsual tumtu kum 10 tang turin hrem

Hmeichhe naupang pawngsual
tumtu kum 10 tang turin hrem
Kolasib-a hmeichhe naupang pakhat pawngsual tuma vau bettu chu court-in kum 10 chhung tang tur leh sumfai Rs. 15000 chawi turin a hrem.
Thudawn danin, 2023 August 27 khan Kolasib Station-ah nu pakhatin a fanu kum 12 mi khuaikhem tum chungchangah FIR a thehlut a. Pawikhawihtua puh hi Lalpekliana (22), Kolasib Tumpui Veng a ni.
Police-ten an chhuichiannaah Lalpekliana hian he hmeichhe naupang hi an inah luhchilhin chemte nena vauin pawngsual a tum a, thenawm hnaivaia awmten an thawm hria in, a tum a puitlin hma in nanchin a ni.
A lakah hian hmeichhe kum tlinglo pawngsual thubuai, POCSO Act Section 6 leh IPC Section 376 AB hmangin thubuai an siamsak a. A chungchang thu hi Kolasib District Fast Track Court judge R Vanlalena chuan ngaihtuahin, hmanrua hmanga mi vau leh hursualna lama a chet dan avang hian kum 10 chhung lung in tang turin a ti a, sumfai Rs. 15000 chawi turin a ti bawk.