Intih cher duh te tana ei tam loh chi

Intih cher duh te tana ei tam loh chi
I thau paih then tumin ei leh in lamah i insum a, exercise i la a, theih tawp i chhuah chung pawhin hma i sawn chak lo riau! I nitin ei leh inah khan i rihna paih tura i tan lak ti chak lo tu a lo awm ru reng a ni thei. Chuvangin, intih cher i tum a nih chuan heng kan rawn tarlan te hi i lo ei regular thin a nih chuan lo tawpsan chhin la, hma i sawn tih i lo inen dawn nia.
1. Bawnghnute chu taksa tan chaw hrisel tak a ni, mahse, intih cher tum te tan erawh hmasawnna daltu a ni thei ve tlat. Zan mut dawna bawnghnute in i ching a ni emaw, tukthuan-ah bawnghnite no khat tal i in thin emaw pawh a ni thei. Thlakhat chhung bawnghnute chu han nghei chhin la, hma i sawn em tih in en chhin rawh.
2. Chawei khamah thil thlum ei chak tlat te pawh awm theih a ni. Pudding kan ti a, dessert kan ti, heng te hi chaw ei kham apianga ei a tul ber lem lo, kar khata vawih hnih vel ei a tawk viau a, intih cher tumte tan chuan ei loh a pawi lo lehzual.
3. Zanriah ei hun hma siin i ril a tam thin em? Chhun thingpui in leh zanriah ei inkarah ril a tam duh viau a, hetiang hunah hian chow, fried rice leh thingpui thlum leh chhang tih vel aiin theirah emaw nuts lampang ei a tihchi zawk.
4. Alu chu chawhmeh lar tak a ni. Siam dan chi hrang hrang pawh kan hre nual awm e, mahse, Harvard University-a mithiam ten zirchianna an neihah chuan alu hi mi tithau thei chaw tha tak a ni an ti tlat mai, chuvangin intih cher tum te tan chuan alu ei tam loh a fuh ang. Chutiangin alu chips kan tih ang chi te pawh ei tam loh a tha.
5. ‘Healthy snacks’ tiin an fak a, a hrisel ngei pawh a ni mah na, mahse, heng ei mai theih tura an siam sa, chips leh thil chi hrang hrang te hi intih cher tum te tan chuan ei tam loh tur a ni.