Minute 15 chhunga ghost pepper 50 eiin record siam

Minute 15 chhunga ghost pepper 50 eiin record siam
Canadian pa, ei thei tak mai, thak pawh rapthlak khawpa ngam, Mike Jack chuan khawvela hmarcha thak bera an sawi ghost pepper pum 50 chu minute 14 leh second 37 chhungin a ei zo vek a, Guinness World Record a siam
Ghost pepper hi India hmarchhak lama chin chhuah niin, Bhut Jolokia an ti ve thung a, khawvela hmarcha thak ber zinga chhiar tel a ni a, hmarcha thak dan tehna Scoville Heat Units (SHU)-ah maktaduai chuang a tling a. Mi tam zawk chuan thin ther tiat lek pawh an ei hleihtheih loh tur khawpa thak a ni a, mahse, Mike hi chuan minute 15 pawh tling lohah pum 50 a ei thei zu nia. A thak dan kan hriat thiam thei nan, hmarchapa kan tih ang chi ho hi a thak zawng tehnaah 2,500 atanga 8,000 a ni tlangpui a, ghost pepper chu maktaduai a kai daih a ni!
Mike Jack-a hmarcha ei lai video Guinness World Records-in an Instagram-a an tihchhuahah chuan Jack hmaah hmarcha tai sen hlerhlawr tak tak chu a intiang vum thar mai a, pakhat te tein a ei ta mial mial mai a ni.