MGNREGA-ah Mizoram titha Thawktute hlawh la pe thei lo – RD minister

MGNREGA-ah Mizoram titha
Thawktute hlawh la pe thei lo
– RD minister
MGNREGA-a job card hmang tha leh thawktute a taka thawh chhuah that lamah Mizoram chu India ramah a titha pawl a ni. Hetihlai hian technical thila harsatna a la awm avangin, MGNREGA hnuaia thawktute hlawh tur sum kawl tawh mah se, pek chhuah theih a la ni lo tih Rural Development minister Prof. Lalnilawma chuan a sawi.
Rural Development & Administration department hnuaia scheme hrang hrang hmalakna thlirletin Ningani khan an minister ho hian thutkhawm a ni a. District hrang hranga project directors, BDO leh official dangte an tel.
Tunah hian MGNREGA hnuaiah job card 212043 pek chhuah tawh niin, active job card 210574 (99.30%) a awm a. Workers 237079 awmin active workers 210900 (88.95%) an awm. Active job card leh active workers awm zatah Mizoram chu a titha pawl a ni.
2025- 2026 sawrkar kum atan tun thlengin person days 51.59% zawh tawh a ni a. Ni 8 chhunga hlawh pek chhuah zat 92.42% niin, hetah pawh hian Mizoram chu a titha pawl a ni a. Aadhaar based payment system tha taka kalpui niin, district pathum – Hnahthial, Khawzawl leh Lawngtlai-ah 100% a kalpui a ni.
Minister chuan MGNREGA hnuaia thawktuten hlawh a huna an la lo chu pawi a tih thu sawiin, sum awm reng mah se, technical lama harsatna la awm vangin hlawh a la pek theih loh tih a sawi. Hlawh an lak thuai theihnan hma an la mek tih a sawi bawk.
The Mizoram (Village Councils) Act 2025 chuan thingtlang khaw hrang hrang tih hmasawnna kawnga hma latu tur Village Development Committee din nise a tih angin, Committee din a nih tur thu leh hmasawnna nasa tak a thlen a beisei thu a sawi a ni.