Red Bull Aizawl Tlang Ruam nei turten kawm

Red Bull Aizawl Tlang Ruam nei turten kawm
Red Bull Aizawl Tlang Ruam 2025 (Urban Downhill Racing) neih tur buaipuitu Red Bull aiawh leh mentor pahnih – khawvel huapa mountain biker langsar Tomas Slavik leh Pedro Burns chu Zirtawpni khan Sports & Youth Services minister Lalnghinglova Hmar chuan a kawm.
Minister chuan Mizoram-in thirsakawr intlansiak hmuhnawm leh rothap a thleng leh thei chu lawmawm a tih chu a sawi a. Red Bull zarah mountain biking lama khawvela langsar, world class infiammi kan hmu thei dawn tih a sawi. “He inelna hian khawvel hriatah Mizoram a tilar a, tunah pawh inelnaa tel tur leh a entu turten Aizawl hotel an luah khat deuh vek tih thu ka dawng. Sports keh tourism hi thil kalkawp tlat a ni a, Mizoram sawrkar chuan a theihna apiangah puih zel a inhuam a ni,” a ti.
Red Bull Aizawl Tlang Ruam hi nikum October 26 khan a vawikhatna atan Upper Republic atanga Republic Veng – Republic Vengthlanga Hawla Indoor Stadium thleng hlawhtling taka neih a ni tawh a. Kumin hian vawiin – November 8 hian neih tur niin, nikum aia lian zawk, a kawng pawh thui zawk leh harsa zawk turin Upper Republic atanga ITI Veng thleng duan a ni.
Khawvel hmun hrang hrang atangin leh India ram state hrang hrang atangin mountain biker engemawzat an tel dawn a ni.