Zaninah WTA Finals champion thar hriat dawn

Zaninah WTA Finals champion thar hriat dawn
Belarus nula chhuanvawr Aryna Sabalenka chuan Ningani khan a group stage match hnuhnungberah semi-final lut tura beisei a nei ve tho Coco Gauff laka 7-6(5), 6-2 hnehna changin last four a lut a, defending champion Gauff chuan a title kawl lai humhim turin hmeichhe tennis kum kharna WTA Finals semi-final a lut zo ta lo.
King Saud University Indoor Arena, Riyadh, Saudi Arabia-a American mihang nula Gauff a chak loh lai hian Steffi Graf Group inkhel dangah Gauff-i chipui Jessica Pegula chuan 6-2, 6-3-in tla fel tawh Jasmine Paolini a hneh a, Belarusian Sabalenka hnungzuiin last four a lut a; he group aTang hian champ lai Coco Gauff leh Italian nula Paolini an tla ta a ni.
Serena Williams Group lamah sixth-seeded Elena Rybakina of Kazakhstan leh fourth-seeded American Amanda Anisimova-te’n semi-final an lut ve bawk.
Nizan result tarlan hman lohah Sabalenka leh Anisimova-te’n final luh an inchuh a, semi-final lehlamah Pegula leh Rybakina an inhmachhawn ve bawk.
Tarlan tawh Thin angin, world number one Sabalenka hian kum thum liamta daih tawh khan final lo khel ve tawh mah se a career-ah season-ending trophy hi a la hawn ve ngai lo a, kumin hian U.S. Open title match-a a hneh hnu Anisimova nen rematch khelin final a lut ta em tarlan hman a ni lo.
Sabalenka tan kumin hi a zawna WTA Finals Tum li a luhna niin, vawi khat chiah final a la khel a, chu chu kum 2022 kha niin, Caroline Garcia lakah a tlawm.
Ningani group match-ah Sabalenka hian kumin French Open title inchuha a ngam loh American Gauff lakah phuba lain, kum 27 mi hian WTA Finals last four a lut leh ta phawt a ni.
World number one ranking nei chunga kum khar tawh tur Aryna Sabalenka bakah Gauff leh Pegula-te pawh kha Ningani inkhela chak mamawh ve ve niin, an pathum khan hnehna chang chunga last four lut thei vek an ni a; an zinga tlawm awmchhun Gauff chuan Stefanie Graf Group aTangin semi-final a thleng zo ta lo a, kumin June thla Roland Garros final nen chuan a boruak a dang ta daih a ni.
Kha mi Tuma a tlawmna kha Belarusian Sabalenka chuan final match a khelh tawh zawng zawnga chhe ber tiin a sawi nghe nghe.
Ti khan, an group-ah Sabalenka khan 100% chak record nen semi a lut a, tarlan tak angin, nizan resut chhuah hman lohah nikum September thla US Open final-a a hneh tawh Anisimova bawk a tum leh a ni.
Nizan semi-final chu tu pawh lo tlang se Gauff a tlak takah khan kumin hian WTA Finals champion la ni ngai loin kum kharna trophy an hawn dawn a, zanin hian champion thar hmel kan hmu ang.