Tuirini khuahna sum tumtu turten chief minister kawm

Tuirini khuahna sum tumtu
turten chief minister kawm
Tuirini Hydro Electric Project siamna atana sawrkarin sum a pukna tur New Development Bank Shanghai (India) hotute chuan Thawhtanni khan chief minister Lalduhoma an kawm a. Tuirini HEP thawh thuai dan tur an sawiho.
Tuirini HEP hi megawatt 24 pe chhuak thei tura duan tum a ni a, cheng vaibelchhe 676 senna tur niin, a thawhna tur hi sawrkar laipui kaltlangin New Development Bank sum puk tum a ni.
Hna hi tan turin Empowred Committee din a, chumi zawhah Project Management Consultancy thlan tur a ni a. Chu’ng chu tunah hian chak taka kalpui mek a ni. Hengte hi a fel a, sawrkar laipuiin a lo pawmpui chuan tender tihchhuah theih a ni ang.
Preliminary project report (PPR) hi sawrkar laipui Department of Economic Affairs-ah September 2024 khan thehluh a ni tawh a; Ministry of New Renewable Energy, External Affairs leh NITI Aayog atanga phalna lak ngai chu lak fel an ni tawh.
Chief minister an hmuhnaah hian NDB hotute hi Power minster F Rodingliana leh P&E hotu dangten an tawiawm a ni.