Infiammite tan sum hlan

Infiammite tan sum hlan
Aizawl East-II bialtu MLA, minister B Lalchhanzova chuan Nilaini khan a bial chhunga infiamna hmun tihchangtlunna atan MLA Fund atangin sumfai a pechhuak.
YMA Chhinga Veng Branch Gym tihchangtlunna atan cheng nuai 7 chu Branch hruaitute hnenah a hlan a. Dawrpui Badminton Hall tihphuisuina atan Rs. 2,68,000 chu Dawrpui Badminton Club hruaitute hnenah a hlan bawk.
Mizo thalaiten infiamna lamah hma an sawn zel chu lawmawm a tih thu B Lalchhanzova hian a sawi a. Ram dang hriat theiha Mizo hnam tihmingthatu infiammi an awm thin chu ropui a tih thu sawiin, thalaiten infiamna leh insawizawina lamah hma an sawn zel theihnan theihtawp chhuah zel a tum tih a sawi a ni.