NHAI-in kawng siam record siam leh ta

National Highway Authority of India (NHAI) chuan Bengaluru-Kadapa-Vijayawada economic corridor (NH-544G) ah Guinness World Record an siam leh ta.
January ni 6 khan he kawngah tho hian Puttaparthi bulah record an lo siam tawh bawk a, chumi tum chuan Bituminous Concrete (BC) 28.89-lane km (3-lane 9.63 km a sei) chu darkar 24 chhuga siam zoin, hetiang chen kawng siam rang ber record a ni, an record dang chu darkar 24 chhunga 10.655 Metric Ton BC darkar 24 chhunga phah zo thei record a ni bawk.
Tichuan, January ni 11 khan Guinness World Record pahnih an siam belh leh ta a, 57,500 matric ton BC phah zo leh 156-lane km (3-lane a zau km 52 a thui) chu chawlh awm miah loin an siam zo vek a, a hmaa hetiang record 84.40 -lane km (2 lane a zau, km 42.20 a thui) an rawn khum ta a ni.
Record hi NHAI thawk Rajpath Infracon Private Limited niin, record siam nan hian tipper 70, hot mix plant panga, paver pakhat leh roller 17 an hmang. Record an siam avangin an kawng siam hi a quality a chhe chuang lo a, an kawng siam chhung zawng quality control, IIT-Bambay lamin an vil reng a ni.
Km 343 a thui Bengaluru-Kadapa-Vijayawada economic corridoe hi six-lane kawng niin, he kawng hi an siam zawh hunah chuan a kawng hmasa aiin km 100 velin a tawi zawk dawn a, km 635 atangin km 535 a ni tawh ang a, Bengaluru atanga Vijayawada zin kawng darkar li velin a titawi sawt dawn a ni.