Kum khat chhungin lirthei thar 30000 chuang

Mizorama thil pung chak langsar pakhat chu lirthei hi a ni awm e; thla khatah sang chuang fein a pung thin a, kum khat chhungin lirthei thar 30000 chuang a awm thin. Mizorama mihring awm zat atanga chhutin lirthei thar zat hi a tam a, Mizoram sum leh pai dinhmun atanga thlir pawhin a tam.
Kum liam ta 2025-ah khan Mizoramah transport department-a ziahluh lirthei thar 30,336 a awm a, 2024-ah aiin lirthei thar hi a tam. 2024-ah khan lirthei thar 30012 a awm.
Kum a thar chauh a, 2026-ah pawh lirthei thar a tam leh tawh; 1,223 a awm leh tawh.
2025-a lirthei tharah hian kum dang ang bawkin a tam ber chu two wheeler a ni leh a, lirthei thar 30,336-ah hian 22,996 chu two wheeler a ni.
Lirthei thar 75.83 chu two wheeler a ni a, sum thawhchhuahna chi two wheeler (transport) 207 a awm bawk. Two wheeler (transport) hi two wheeler taxi a ni.
Three wheeler (transport) 89 a awm bawk a, hetiang hi auto rickshaw a ni.
Two wheeler dawttu chu Light Motor Vehicle a ni a, 4,397 a awm. Hetiang hi car a ni ber.
Kumina lirthei tharah pawh two wheeler a tam leh ber a, 1096 a awm bakah two wheeler taxi pathum a awm bawk. Three wheeler pawh pathum a awm.
2025-a lirthei thar zat
January-ah 2404
February-ah 2191
March-ah 2569
April-ah 2876
May-ah 2539
June-ah 2333
July-ah 2515
Agust-ah 2302
Sept.-ah 2595
October-ah 2815
Nov.-ah 2512
Dec.-ah 2685