TRIAUTRACKX-an rawn haw dawn

Mizo rimawi khawvela khawchhak thli na zeta rawn tlehpuitu Triau Trackx chu an thawm a reh deuh vang vang hnuah kuminah hla thar nen an rawn comeback leh dawn ta a, nimin kan an drummer leh band hmuipuipu Ramenga chuan a Facebook-ah rimawi thli thar tleh tir leh an tum thu hi post-in, “Kan rawn comeback satliah dawn lo, ka rawn HAW dawn,” a ti.
Ramenga chuan Triau Trackx hian hla thar record mai theih tur pawh pasarih an nei fel tawh niin a tarlang a, February thla chawhnu lam atangin recording tan an tum niin a tarlang bawk.
An hla thar tur chungchang sawiin, “Athen chu a va TRIAUTRACKX lo tur an ni ang a, a then erawh a va TRIAUTRACKX ngawih ngawih (a kal khat) tih tur chi te pawh a awm ang. Midang aia a tha ang tihna lam ni loin, TRIAUTRACKX atang chauh lo chuan a chhuak thei lo tih chi hla an ni hlawm ang,” a ti bawk.