RIPANS-a lut tawhte inhmukhawm

RIPANS-a lut tawhte inhmukhawm
Zirtawpni khan RIPANS Auditorium, Zemabawkah RIPANS Alumni Meet vawi khatna buatsaih a ni a, an hnena lo lut tawhte an inhmukhawm.
MZU vice chancellor Prof Dibakar Chandra Deka chu khuallian a ni a, zirtirtu leh zirlai chhuak tawh leh lut mekte intawhkhawmna hun an buatsaih chu lawmawm a tih thu a sawi a, kum 25 vel kal ta chhunga mi tha tak tak chher chhuah an ni chu lawmawm a tih thu a sawi.
Director i/c Dr H Lalrinmawia chuan, zirlai kal chhuak ta mithiam tak tak ni tate a hmu chu lawmawm a tih chu a sawi.
He hunah hian RIPANS department hrang hrangin an department kaihhnawihin entirna hun an hmang a, hei bakah hian hnam lam chi hrang hrang entirna hun an nei bawk.
RIPANS-ah hian department pasarih a awm a, zirtirtu leh non teaching staff hi mi 127 an awm.