Tanhril Veng mi Marina Lalchhanchhuahi thihna chungchangah TAnhril Khawtlangin Kawng zawh

Tanhril Veng mi Marina Lalchhanchhuahi thihna chungchangah, pawikhawihtu nia police-in thu an tih tlukna RL Peka bak an inrawlh ngei ringa police-in chhuizui tura ngentu ‘Justice for Marina Group’ chuan Ningani khan Tanhril atangin Vanapa Hall kawt thleng lirthei leh a thenah ke in kawng an zawh a. Police-in he thila inhnamhnawih dang awm nia ngaihte hi chhuichhuak a, an phu tawk hremna pe ve ngei turin an phut a ni. Kawngzawh huaihawttute hi Whatsapp Group lama hma latute nia sawi an ni a, YMA Tanhril Branch, Tanhril Local Council leh MHIP chu pawl angin an tel lo tih thu dawn a ni.