Council of Ministers-in IAF hnena ram hralh danah CBI koh luh a rel

ZPM sawrkara Council of Ministers thukhawm chuan Lengpui leh Sihphir-a Indian Air Force ram lak tur chungchanga dan dik loa thil tih a awm nia inpuhna awm mekah Central Bureau of Investigation (CBI) kohluh a rel.February 4-a Council of Ministers-in agenda awmsa an rel ho zawh hnu ah thufual zuiin, IAF-in Lengpui leh Sihphir ram an lak tur chungchang an ngaihtuah a, sawiho zui nghal niin, mipuiin thudik an hriat theihnan hemi chhuichiang tura ngenna chu CBI-ah ZPM Media Committee chairman, minister B Lalchhanzova hmingin February 6 (Zirtawpni) ah thehluh nise tiin a rel.
ZPM Media chairman chuan, sawrkar hotuten Zoram mipuiin hemi chungchanga thu chiang tak an hriat thuai tha a ti a. Chutih rualin, MPCC-in Val Upa Council chhuichian an lo ngiat ve ngawt chu thil kawngkal lo tak nia a lan thu a sawi. A kawngkal dika CBI hnena ‘direct’ a chhui tura ngenna thehluh mai tur a nih laiin, a kual thei ang bera MNF-in Mizoram chief secretary, chief vigilance officer (CVO) chelh teltu hnena ngenna an thehlut pawh chawlhsan mai tur leh, chak zawka ‘investigation’ kalpui a nih theihnan dan dik thlap (proper channel) a CBI hnena ‘direct’ a FIR thehluh hi lo ngaichang mai turin an ngen tih a sawi a ni.