Kulikawn atanga Bawngkawn inkar kawng siamna tur sawiho

Kulikawn atanga Bawngkawn
inkar kawng siamna tur sawiho
Asian Development Bank bultuma kalpui tur, Aizawl khawpui chhung (Kulikawn atanga Bawngkawn inkar) corridor and junction improvement project chungchang ngaihtuahin Zirtawpni khan Urban Development & Poverty Alliviation minister K Sapdanga hoin a kaihhnawih turte nen thutkhawm a ni.
Minister chuan, project kalpui tura inbuatsaihna chu tha thawkhat hlea a hriat thu a sawi a. Project-in a paltlang tur huamchhunga bialtu MLA leh local council-te sawrkar nena thawhhona tha a la pawimawh dawn, tiin, project hlawhtlinna chu ram pum tan a nih rualin, a paltlang hmun ho tan hlawkna a nih lehzual ngei a beisei tih a sawi a ni.
Aizawl khawpui chhung (Kulikawn atanga Bawngkawn inkar) corridor & junction improvement project final proposal buatsaih tura inrawnkhawmna atan hman a ni a. Draft DPR hi presentation hmanga thlirho niin, bialtu MLA leh local council-te hnen atangin zawhna awm chhan a nih bakah rawtna awmte sawiho a ni. Sawihona leh rawtna awm hi a remchan ang zela final proposal-a telh leh tum a ni.
Thutkhawmah hian he project-in a paltlang tur veng bialtu MLA, minister Vanlalhlana bakah bialtu corporator te, local council member-te leh a kaihhnawih department hotute an tel.