Tlawng tui kam a zia leh deuh

February ni 11 khan Sairangah Tlawng tui a kam thut mai a, a tuk lamah chuan a zia ta. Mahse tui a la tam chuang lo.
A hmute sawi danin, Nilaini tukah khan, zing dar 6 velah balu la tura kalte’n tui hi a lo kam tih an hmu a, ft 10 vel laiin a phai an ti.
“A hmaa malte thleng thlenga kan dai te kha ngalrek chen lek lek a lo ni a, a mak khawp mai. Hetianga zan khat thil thua nasa taka a kam hi kan la hre ngai lo,” a hmuna hmu pakhat chuan a ti.
Ningani lamah khan tui hi a tam leh ta deuh tih a sawi a, mahse chhun dar 1 vel atangin a tlem leh a, mahse a hma ni anga tlem kha chu a ni lo tih a sawi bawk.
Hetia zan khat thil thua a kam thut mai hi, a chhan an hriat bik loh thu an sawi a, Aizawl tui tlan a nih bakah Sairang ramah hian railway-in tui an lak bakah SIPMIU hnuaia tui an la bawk a, a rualin rui hi an pump em ni dawn le tia an ngaihtuah thu te an sawi.